خلاصۂ فتوی: با جماعت نماز طويل کرنيکا قاعدہ يہ ہے کہ سنت کی اتباع کی جائے نہ کہ مقتديوں کی خواہش کی ۔

الشيخ ابن عثيمين ۔ کتاب الدعوہ (5) 2/90 – 91

تبصرہ:

نماز کی طوالت کا مسألہ لوگوں کی قوت برداشت پر منحصر ہے نہ کہ امام کی خواہش پر کہ وہ جس سنت کا چاہيے انتخاب کرے ، جسميں طويل اور مختصر نماز ميں ، ہر ايک کيلئے مناسب اورمختلف پيمانے ہيں ۔

علمی رد:

امام نووی کی کتاب " الاذکار " ميں آيا ہے : سنت يہ ہيکہ نماز فجر اور ظہر ميں سورة ق اور الحجرات جيسی طوال مفصل ([1]) طويل سورتيں ، عصر اور عشاء ميں سورة نبأ سے الضحی تک درميانی سورتيں اور مغرب ميں سورة الضحی کے بعد سے الناس تک کی چھوٹی سورتوں ميں سے کوئی سورت پڑھی جائے۔

علماء کرام نے فرمايا : امام کيلئے مستحب يہ ہے کہ وہ قرات قرآن اور تسبيحات مختصر پڑھے اور مستحب کو بھی بطريق کمال ادا نہ کرے ، اور اکيلا نماز ادا کرنے والا ہے تو طويل اور درميانی سورتيں ، اور رکوع و سجود ميں طويل تسبيحات پڑھے۔

حضرت ابو ھريرہ – رضی اللہ عنہ – سے مروی حضور – صلی اللہ عليہ و سلم – کی حديث مبارکہ ہے کہ :"اذا صلى أحدكم للناس فليخفف فإن فيهم السقيم والضعيف والكبير"([2])۔

اگر تم ميں سے کوئی لوگوں کو نماز پڑھائے تو اسے چاہيے کہ وہ اسے مختصر کرے کيونکہ ان ميں کوئی بيمار ، ناتوان اور بوڑھے بھی ہيں اور جب اکيلا اپنے لئے نماز ادا کرے تو جتنا چاہے اسے لمبا کرے.

نماز کو لمبا کرنا مکروہ ہے ، اگر وہ ( امام ) ايسی قوم کو نماز پڑھائے جو کہ محصور ہے اور امام کو معلوم ہے کہ وہ طويل نماز کو ترجيح ديتے ہيں تو اس حالت ميں مگر وہ نہيں بلکہ مستحب ہے۔

کيونکہ ممانعت انکے لئے ہےتو جب وہ اس پر راضی ہيں تو پھر مستحب ہے ، اور بعض اوقات نبی کريم – صلی اللہ عليہ و سلم – کی طويل قراءت کے بارے ميں صحيح احاديث مبارکہ کو اسی پر محمول کيا جائے گا۔

اور اگر امام انکے حال سے نا واقف يا ان ميں وہ بھی ہيں جو لمبی قراءت کو نا پسند کرتے ہيں اور وہ بھی ہيں جو پسند کرتے ہيں تو طويل نہ کرے ، اور صحيح احاديث مبارکہ اسی کی تائيد کرتی ہيں ۔

اور انہی ميں سے ايک حديث حضرت انس – رضی اللہ عنہ – سے مروی ہے کہ نبی کريم – صلی اللہ عليہ و سلم – نے فرمايا: "إنی لأقوم فی الصلاة أريد أن أطول فيھا فاسمع بکاء الصبی ".

ميں جب نماز ميں کھڑا ہوتا ہوں تو ميں اسے لمبا کرنا چاہتا ہوں ۔ پھر بچے کا رونا سنتا ہوں تو ميں اسکی ماں پر مشقت کو نا پسند کرتے ہوئے اپنی نماز کو مختصر کر ديتا ہوں ( اسے بخاری اور مسلم نے روايت کيا ہے ) اور اگر وہ ( لوگ ) طويل نماز کو پسند کرتے ہيں مگر مسجد ايسی جگہ يہ ہے جہاں لوگ امام کے نماز شروع کرنے کے بعد بھی شامل ہوتے ہيں تو پھر نماز کو طويل نہ کرے ([3])۔

نماز کو طويل کرنے کا معاملہ لوگوں کی برداشت پر منحصر ہے ، امام کی مرضی پر نہيں کہ وہ جس سنت کا چاہيے انتخاب کرے جس ميں طويل نماز اور مختصر نماز کے ، ہر ايک کيلئے مناسب اور مختلف پيمانے ہيں ([4]).

سنت ميں سورہ اعراف کی تلاوت کرنا وارد ہے([5]) اور اسی طرح چھوٹی سورتوں کی تلاوت بھی سنت ہے  [6]  اور يہ امام کی مرضی پر منحصر نہيں کہ وہ چاہيے تو سورہ اعراف پڑھے اور چاہيے تو چھوٹی سورتيں پڑھے بلکہ يہ مسئلہ لوگوں کی برداشت پر منحصر ہے۔ اللہ اعلم بالصواب.

ڈاکٹر احمد عيد